የመልስ ጋጋታ፤ የወሬ፦የዜና ፋብሪካ፤
ሰሞኑን በዛብን፤ ኧረ ምነው ፈካ!
ዳቦ አይሆን ነገሩ፤ አይተካ ዶላሩን፦
ለክፉ ቀን ብሎ ፦ የ ኮ በ ለ ለ ው ን!
እንዳባይ ወንዝ ውሃ ያልተገደበውን፦
ላገር ብልጥግና አልሆንም ያለውን።
ሰሞኑን በዛብን፤ ኧረ ምነው ፈካ!
ዳቦ አይሆን ነገሩ፤ አይተካ ዶላሩን፦
ለክፉ ቀን ብሎ ፦ የ ኮ በ ለ ለ ው ን!
እንዳባይ ወንዝ ውሃ ያልተገደበውን፦
ላገር ብልጥግና አልሆንም ያለውን።
በላይ በላዩ የወሬ ጉርሻ
ለምን ይሆን፦ ለችግር ቅርሻ
በላይ በላዩ ዛቻ
ለምን ይሆን ፤ መሰንበቻ
ነዋይ ሥልጣን ፦ ማከማቻ
-ኤርትራን እወራለሁ
-አባይን ገድባለሁ
-ግብጥን ነክሻለሁ
-ሱዳን እሄዳለሁ
ሰላም መጥናለሁ
-ሱማሌ እቆያለሁ።
-ዋጋ መቆ ጣጠር
ትቻለሁ ፡ ለቃለሁ
ትቻለሁ ፡ ለቃለሁ
-ካቶሊክ ሆኛለሁ ፤
ነጋዴ አግብቼያለሁ
- ይቅርታ ብያለሁ፤
ደርግን እፈታለሁ።
*
*
ደግሞም ድንቅ እንቅ ይበላችሁ
አልፌ ተርፌ ጃፓንን ረዳለሁለታሪክና ፌዝ ይመዝገብ በቶሎ፦ በጥብቅ ኣዝዣለሁ::
(ይኀ ሁሉ፤)
እንዳንረሳሳ ፡ ጅራፍ እባላለሁ
ገርፌ ጮሃለሁ፤
ብሬን አሸሻለሁ፡
ዋ ብቻ ብያለሁ፤
ቀልቤን እንዳትገፉ፦ ሃብቴን እንዳትነኩ
ባህር ማዶ ያለውን፤ በየፈረንጅ ባንኩ።
ብሬን አሸሻለሁ፡
ዋ ብቻ ብያለሁ፤
ቀልቤን እንዳትገፉ፦ ሃብቴን እንዳትነኩ
ባህር ማዶ ያለውን፤ በየፈረንጅ ባንኩ።
(ላለ ማለት ሽር ጉዱ!)
*
ሌቱ እስኪነጋ ለት
ቀን እስኪወጣ ለት
ያገሬ ሰው እንደሁ
ተኝ ሲሉት ተኛለሁ
ቁም ሲሉት ቆማለሁ።
እኔ ግን እነሁ
አድንቁ ይግረማችሁ ፤
ቀኔ የሞላ ለት
ክጫካ ወጥቼ፤
ክጫካ ወጥቼ፤
አሜሪካን ወዶኝ
እንግሊዝ ዶልቼ፤
እንግሊዝ ዶልቼ፤
ከተማ ገብቼ፦
ሙሉ ሃያ ዓመት ገዛሁኝ
የምሥራች በሉኝ።
ነገም ዛሬም እኔ ፤ አርባ እሞ ላለሁ፤
እከርማለሁ ገና ከንጉሥ እበልጣለሁ፤
ቤን አሊ ጋዳፌ ሙባረክ አይደለሁ
ባስራ ሁለት ቢላ መብላት ተክኛለሁ።
እንደኔ ዓይነት ምላስ፤
ከሰንበር የሚለይ
ባሳብ በትካዜ፤
ከሰንበር የሚለይ
ባሳብ በትካዜ፤
ባገር በወንዜም ላይ፤
ኣንድም ቀን አይታይ፤
መለስ ዘና ዘና፤ ደሞም፤
ካስፈለገም
የሚል ቆጣ ቆጣ ፦
የሚያስደነግጥም በጣቶች ቆረጣ፤
ሃያ ምላስ አለኝ
በመላው አፍሪቃ፤
ፍጡም ወደር የለኝ።
ፍጡም ወደር የለኝ።
ለሁሉም መልስ ያለው፤
መለስ እባላለሁ
መለስ እባላለሁ
ባባቴ ዜናዊ ፤
የዜና ፋብሪካ፦
ወሬ እወልዳለሁ
የዜና ፋብሪካ፦
ወሬ እወልዳለሁ
ዕጡብ ድንቅ በሉኝ፤
ዘላለም ኖራ ለ ሁ።
ዘላለም ኖራ ለ ሁ።
*
የመልስ ጋጋታ፤ የወሬ፦የዜና ፋብሪካ፤
ሰሞኑን በዛብን፤ ኧረ ምነው ፈካ!
ዳቦ አይሆን ነገሩ፤ አይተካ ዶላሩን፦
ለክፉ ቀን ብሎ ፦ የ ኮ በ ለ ለ ው ን!
እንዳባይ ወንዝ ውሃ ያልተገደበውን፦
ላገር ብልጥግና አልሆንም ያለውን።
ሰሞኑን በዛብን፤ ኧረ ምነው ፈካ!
ዳቦ አይሆን ነገሩ፤ አይተካ ዶላሩን፦
ለክፉ ቀን ብሎ ፦ የ ኮ በ ለ ለ ው ን!
እንዳባይ ወንዝ ውሃ ያልተገደበውን፦
ላገር ብልጥግና አልሆንም ያለውን።
በላይ በላዩ የወሬ ጉርሻ
ለምን ይሆን፦ ለችግር ቅርሻ
በላይ በላዩ ዛቻ
ለምን ይሆን ፤ መሰንበቻ
ነዋይ ሥልጣን ፦ ማከማቻ
*
ሞልትዋል፤ተትረፍርፍዋል፤
ሞልትዋል፤ተትረፍርፍዋል፤
ይቀጥላል ገና
የ መለስ፦ የመልስ ጋጋታ-- የፋብሪካ ዜና።
No comments:
Post a Comment